I. Pintxo pote twitteroa Arrasaten, ekainaren 16an
Twitter eta Facebook bidez berri eman dugun arren, hona hemen zuetako askok eskatutako mezua: #pintxotuit #e16-rako gonbidapena!
Jakingo duzuen bezala, euskal twitterlarien artean zabaldu den egitasmo berri bat da Pintxopote twitteroa, oraingoan Arrasaten ospatuko dena. Zein den plana? Arratsaldean elkartu (bi deialdi izango ditugu), eta Arrasaten eta inguruetan famatu egin den ostegunetako ardo (edo garagardo) festa ezagutu (batzuentzat ohitura bihurtu dena).
Noiz izango den? Ekainaren 16an. Honakoak dira deialdiak:
- 18:30ean Arrasateko Portaloiko Monte tabernan
- 19:30ean Mondragon Hotelean (wi-fi dago bertan)
Hementxe daukazue baliagarri izango zaizuen mapa.
Batzuk apuntatu gara jada, baina nahi baduzue bloga erabili izena emateko, edo bertan azaldu zuzenean!
Hurrengo astera arte, astebete soilik falta da eta!
#pintxotuit #e16
